Никола Карабатиќ, еден од најдобрите на сите времиња својот последен натпревар во дресот на Пари Сен Жермен и воопшто во клупската кариера ќе го одигра на 31 мај против својот поранешен клуб Екс Прованс во Париз.
Тој натпревар нема да се игра во „Пјер де Кубертен“ каде што ПСЖ ги игра своите натпревару, туку ќе се игра во најпознатата и најголема париска сала - Акор Арена или сала подобро позната како „Берси“.
Оваа сала за ракометен натпревар максимално може да прими 15.600 гледачи, а 10.000 билети по цена од 17 до 32 евра веќе се продадени.