Foto: RFEBalonmano

Репрезентацијата на Словенија го совлада Бразил во првото коло од квалификацискиот турнир во Гранољерс, Шпанија, но нивната работа не е завршена туку ќе мораат не само да го совладаат отпишаниот Бахреин, туку и да чекаат фер плеј од репрезентацијата на Шпанија. 

Имено, Шпанија вчера ја совлада Словенија (32-22) и веќе во пракса е пласирана на ОИ Париз. Единствено што мора да внимаваат е да не загубат од Бразил во последното коло со разлика од 20 гола. 
Бразил вчера со голема мака со еден гол разлика го совлада Бахреин. На азискиот тим по поразот од Шпанија му се вратија четири суспендирани играчи, затоа што судот ја поништи одлуката за нивна суспензија и прописно го намачија ПАН Американскиот вицепрвак. Но, Бразил успеа да победи и математички останува во игра за второто место. 

На Бразил му треба каква и да е победа над веќе пласираната Шпанија во последното коло. Ако успеат, тогаш на мини табелата ќе бидат подобропласирани од Словенија и покрај поразот во првото коло. 
Судбината на Словенците е во рацете на Жорди Рибера и неговиот тим, но Бразил не е без шанса, особено ако се земе како изгледаше незаинтересираната Шпанија на ЕХФ Еуро во Германија.