Двајца од триото голмани на Вецлар ќе бидат надвор од теренот, можеби до крајот на сезоната. Швајцарецот Леонард Грациоли веќе извесно време е надвор од теренот со скинат лигамент, а на последниот меч со Лемго, дислокација и фрактура на прст на раката заработи и голманот од БиХ кој брани за репрезентацијата на Катар, Анадин Суљаковиќ. 
Катарскиот голман ќе мора на операција и предвидената пауза е околу три месеци, што практично значи дека до крајот на сезоната на првиот голман Тим Климке друштво ќе му прави голманот од У23 тимот, Мариус Гебнер. 

Покрај лошата, Вецлар имаше и добра вест за своите фанови. Нивни играч од следната сезона ќе биде Јастин Милер, плејмејкер на данскиот клуб Нордсјеланд.