Швајцарската екипа Криенс Луцерн на лето ќе се раздели од словачкиот тренер Петар Кукучка и за нов тренер ќе го постави хрватскиот пикер со посебни дефанзивни предиспозиции Жељко Муса (38). 
Муса во моментов е играч на Криенс Луцерн и играчката кариера ќе ја заврши паралелно со почетокот на тренерската. Швајцарците се убедени дека искуството што како играч го собирал работејќи со тренери како Талан Душебаев, Лино Червар и Бенет Вигерт ќе може да го пренесе врз ракометарите на оваа екипа.