Екипата на Аеродром не доби право да настапува во пролетниот дел од македонската Суперлига, во кој требаше да се натпреварува во Плејаут шампионатот. 
Натпреварот со Е. Пелистер 2 беше делегиран, се очекуваше Аеродром да игра, играчите веќе беа на теренот, но скопскиот клбано не доби право да настапи затоа што не е регистриран како Акционерско друштво, а тоа е еден од главните услови за настап во првенството. 
Скопскиот клуб е нов член на Суперлигата и во есенскиот дел пререгистрацијата се водеше како тековна работа, но не ја заврши процедурата за пререгистрација пред да почне пролетната сезона и не доби зелено светло за настап.
Натпреварот меѓу Аеродром и Е. Пелистер 2 што требаше да се одигра денеска ќе биде службено регистриран, а трите бода ќе одат на салдото на битолчани.