Импресивен старт има Данило Брестовац како тренер на екипата на Ал Сафа во Саудиска Арабија. По стартната победа во Куп натпреварување, веќе на вториот меч го привлече вниманието кон себе и својот клуб на Блискиот исток. 
Екипата на Ал Сафа играше натпревар со неприкосновениот тим на Ал Калеј, актуелниот азиски шампион и првак на Саудиска Арабија. Таа екипа немаше загубено меч цела година. Сѐ до вчерашниот дуел со Ал Сафа. 

Тимот на Данило Брестовац и Алексо Лембанов одигра одличен натпревар и на големо изненадување го совлада фаворизираниот противник со 25-23 и во моментов е вистински хит на Блискиот исток.