Грчката легенда Никос Граматикос и Олимпијакос утрово се договорија за спогодбен раскин на договорот. Црвено-белите имаа серија од 17 победи по ред, поразот што ја прекина серијата воедно го прекина и договорот на прославениот ас со еден од брендовите на грчкиот спорт. Tој ќе продолжи како технички советник во академијата на Олимпијакос. 

Жељко Бабиќ чека промоција. Поранешниот тренер на Е. Пелистер веќе извесно време е на стенд бај со клубот од Атина, но се чекаше „кикс“ на Граматикос кој ја загуби хемијата со ракометарите од својот тим и откако АЕК ги совлада во Куп натпревар, конечно целата приказна може да продолжи.