Пет ракометари на репрезентацијата на Бахреин, домаќинот на Азискиот шампионат биле приведени по натпреварот со Јапонија од полуфиналето на Азискиот шампионат.
Петмината се веќе суспендирани од Азиската федерација и најверојатно нема да имаат право да настапат во Квалификациите за Олимписките игри. Меѓу нив и капитенот на тимот, голманот Мохамед Абдел Хусеин.

Инцидентот настана по завршувањето на мечот, полуфиналето кое Бахреин го загуби од Јапонија (17-20). Додека на едната страна на теренот се радуваа Јапонците, на другата неколку ракометари го опколија судијата од Кувајт и ситуацијата полека бегаше од контрола. 
Се вмешаа повеќе луѓе па навидум се смири состојбата, иако имаше обид да биде нападнат и еден ракометар на Јапонија. За среќа остана на обид.