Репрезентацијата на Хрватска ја разби Шпанија на првото дерби во групата „Ц“ со неверојатни 10 гола разлика (39-29).
Уште поневеројатно е дека голманите на Шпанија на овој натпревар немаа ниту една единствена интервенција!

Се чини дека шпанскиот селектор не ја погоди стартната постава во која на пример го немаше Алекс, па Хрватска некако лесно влезе во серија. Особено што нивната одбрана и пред мечот беше апострофирана како нешто што може да им направи проблем на сите екипи. 
Но, очекувањата беа едно, тоа што гледавме вечерва, веројатно ниту најоптимистички рапсоложените Хрвати не ни сонуваа дека ќе се случи.
Хрватска доминираше, нивниот напад беше перфектен што и да правеа. Шпанците не беа толку лоши во нападот, колку што нивната препознатлива одбрана, вечерва не личеше на ништо. 
Кога тргна колата удолу, Рибера се одлучи и со 7 на 6 што беше уште поубиствено. Но, како и да е, податокот дека голманите на Шпанија не одбранија ниту еден единствен удар ги надмашува сите статистики. 

Ако не знаевте:
Ова е највисок пораз на Шпанија на ЕП.
Највисокиот пораз на СП, пак, им е од 2009 и тоа од Хрватска (22-32).
Ова е меч на кој Шпанија примила најмногу голови на ЕП
Ова е меч на кој Хрватска постигнала најмногу голови на ЕП