Филип Кузмановски одигра добар натпревар денеска против Грција и покажа дека е на добар пат да се врати во формата во која го посакуваат македонските љубители на ракометот. 
Македонија го доби и вториот подготвителен меч во финалната фаза и до патот за Дизелдорф останува уште утрешната тренинг средба со Грција, без присуство на публика и медиуми. 

„Среќен сум што сме здрави, со исклучок на Пешевски и Маркоски, со кои денес не ризикувавме. Припремите во Стара Пазова беа напорни, како тактички, така и физички. Сега сме спремни и покажавме против една добра селекција како Грција. Има некои сегменти кои треба да ги подобриме, утре ќе испробаме уште некои детали кои ги трениравме во овој период. 
Чест и задоволство е да играте за Македонија. Групата е тешка, но ние одиме до крај. Франција е фаворит за медал, ќе играме против нив на стадион и очекувам многу наши луѓе на трибините. Веруваме во системот на селекторот и тој наш квалитет ќе излезе на виделина“, изјави Филип Кузмановски.