Поранешниот играч на Вардар, рускиот пикер Глеб Калараш го обнови договорот со унгарската екипа ПИК Сегед и останува нивни играч најмалку до јуни 2025.

Поранешниот играч на Вардар, шпанскиот десен бек Хорхе Македа го обнови договорот со француската екипа Нант и останува нивни играч најмалку до јуни 2025.

Португалскиот централен бек Мигуел Мартинс, своевремено беше желба на Вардар во времето кога тренер на црвено-црните беше Стевче Алушовски, а сега е речиси завршена работа за трансфер од ПИК Сегед во Веспрем. Екипата на ПИК Сегед, пак, замената ја бара или наверојатно ја најде во Динамо Букурешт од каде што го планира Лазар Кукиќ за негова замена. 

Висла Плоцк од Полска, унгарскиот Пик Сегед, данскиот ГОГ, германскиот Мелзунген и уште дузина познати екипи од Европа се заинтересирани за ангажман на норвешкиот бек Магнус Абелвик Род кој во моментов игра за норвешката екипа Колстад. 

Хрватскиот десен бек Иван Мартиновиќ заминува на лето од екипата на Мелзунген и следната сезона ќе игра во тимот на Рајн Некар Ловен. Мелзунген, пак, ги потврди Арон Менсинг, Амин Дармул и Јулијан Фукс за следната сезона. 

Хрватскиот пивот Илија Брозовиќ по седум сезони ќе замине од бундеслигашот Хановер. Спогодбено, заминува една година пред истекот на потпишаниот договор. Клубот го потврди ова заминување на официјалната веб страна.