Голмани да постигнуваат погодоци во ракометот веќе не е некоја новост, особено откако беше воведена можност да се игра без голман. 
Но, кога голман ќа даде гол од игра, па и уште ќе влијае на конечниот резултат, тогаш вреди да му се посвети внимание. 

На дуелот од кадетскиот шампионат на Македонија, во Велес се сретнаа екипите на Бисинов и Алкалоид. Двата тима се меѓу најсилните во конкуренцијата и меѓу фаворитите за шампионскиот пехар. Драматичен меч, на кој на 20 секунди до крајот при водство од 21-20 напаѓаше скопскиот состав. 
Младите домашни ракометари се наместија за тотален пресинг, човек на човек, но не сметаа на голманот. Ѓорѓи Николовски, еден од голманите за кои сигурни сме дека допрва ќе слушаме, ја искористи оваа шанса, впрочем погледнете го видеото. 


 

Во продолжение домашните веднаш постигнаа погодок, но драгоцените секунди изминаа, а голот на Николовски се покажа како решавачки за конечните 22-21 за Алкалоид.