По само два месеца минати на клупата на данскиот шампион ГОГ, клубот реши да се раздели со тренерот Јан Марко Фог. 
Еден трофеј во Суперкуп, победа, пораз и реми на стартот на домашниот шампионат и едвај извлечена победа на домашен терен над Целје во првото коло од ЛШ и сите во клубот видоа дека тој не е вистинското решение. 

Данските медиуми не се едногласни околу тоа дали ова е исправниот потег. Марко Фог седна на жешко столче, таму каде што Никлас Крицкау успешно работеше со години. Но, ГОГ ги продаде Питлик, Јоргенсен на излезна е и Мадсен итн... Доведе засилувњата според свој буџет и вкус, а Јан Марко Фог воопшто и не им беше првиот избор, туку за него се решија откако не успеаја да се договорат со низа тренери. 
Затоа логично е колата да се прекрши врз неговиот грб и додека уште има време да ги преправат работите по свое. 
Асистентот Микел Вогт привремено ја презема диригентската палка во клубот.