Вардар 1961 денеска од 16:00 часот ќе го игра вториот натпревар од квалификациите за пласман во ЕХФ Европската лига. Време е да се одреди патникот во групната фаза и од овој двомеч.
Шансите се 99% на страната на РНЛ кој на првиот натпревар во Скопје славеше победа од 34-25, што значи дека Вардар денеска мора да победи со девет гола разлика, како би се изборил за седмерци. Мисија која се граничи со невозможното. 

И покрај големата разлика, РНЛ мотивиран и желен за докажување го чека денешниот меч. Тоа е затоа што на стартот на Бундеслигата „кикснаа“ на натпреварот со Гепинген и едвај спасија бод (27-27) па сега наострени го чекаат Вардар да се докажат пред својата публика. 
„Денеска нема да ја погодам пречката“ коментираше нивниот најдобар играч, Јури Кнор кој против Гепинген имаше ефект 4/12. 
Германците најавуваат дека посебно внимание ќе обрнат на играта Јашухира - Лазаревски која функционираше во Скопје и ќе се фокусираат на тоа да ја пресечат таа соработка. 

ТВ пренос според програмската шема не е најавен. 
Затоа ви обезбедивме линк на кој ќе се стримува натпреварот и преку кој ќе може да го следите овој меч, во случај да нема промени и да нема ТВ пренос од овој меч. 


РНЛ - ВАРДАР 1961 ЛИНК


photo/FB/RNL