Португалските екипи за кои настапуваат македонските интернационалци Никола Митревски и Филип Талески, односно Порто и Бенфика се сретнаа со унгарскиот шампион Веспрем на подготвителен турнир. 

Бенфика на Талески настрада на дуелот со Унгарците и загуби со преголеми 14 гола разлика (23-37). Филип Талески на овој меч постигна три гола. 

Порто загуби потесно и со поголема борба (31-34) на натпревар на кој Сергеј Косоротов постигна девет погодоци. Никола Митревски, според извештаите што ние го имаме, не беше во составот на овој меч.