Екипата на Барса без проблеми со 10 гола разлика ја совлада екипата на Војводина 39-29 (20-12), но скапо го плати овој триумф каталонскиот клуб.
По само две минути игра, повреда што се чини дека е сериозна заработи централниот бек Домен Макуц. Словенецот веднаш беше испратен назад во Шпанија на прегледи и наскоро ќе се знае за што точно се работи, но се чини дека е доста сериозно.

За Барса ова е голем проблем затоа што неодамна го продадоа Лука Циндриќ, а сега останаа само со еден вистински плејмејкер - Пол Валера.