Македонската кадетска репрезентација (У19), денеска во Ријека, Хрватска ќе го почне настапот на 10 Кадетско Светско првенство. 
За прв пат мундијалот се игра со 32 репрезентации што условно треба да значи дека ќе има полесни натпревари, но за Македонија, за жал тоа нема да биде случај. 
На мундијалот ќе има своевидни атракции од типот Руанда, Бурунди, Мексико, САД, Нов Зеланда, но нашиот тим е во групата со Норвешка, Црна Гора и Грузија. 
Две репрезентации продолжуваат во Главната рунда, две ќе играат во Президент Куп. 

Македонскиот тим е предводен од Раде Стојановиќ. Овие момци се изборија за повисок статус и пласманот на СП со победата на ЕХФ Шампионатот во Рига. Амбициозни сме и на ова СП, иако сериозен хендикеп за нашиот тим е повредата на Димитар Узунчев, единствениот леворак, десен бек во тимот. 

Македонија денеска се среќава со топ фаворитот во групата, репрезентацијата на Норвешка. Натпреварот почнува во 17:30, а ќе можете да го следите на следниот линк:


МАКЕДОНИЈА - НОРВЕШКА  17:30