По цела деценија настапи во Лигата на шампионите, Вардар 1961 оваа сезона повторно по (2012/13) ќе се натпреварува во второто по ранг европско натпреварување - Европската лига. 
Настапот го почнува во единственото квалификациско коло, според ранкингот на Македонија и освоеното трето место во домашната Суперлига. 

Вардар не беше меѓу носителите и имаше пет можни противници. Среќата сакаше, во квалификациите да се сретне со екипата на Рајн Некар Ловен. 
Првата средба ќе се игра во Скопје на 26/27 август, реваншот седум дена подоцна во Германија. 

Вардар ќе биде дел и од ждрепката што ќе се одржи на 21 јули. Тогаш ќе ги дознае противниците во групната фаза, екипи со кои ќе игра во групната фаза во октомври, нормално, доколку се квалификува.