Ракометна Битола ќе има што да види есенва. Мноштво ракометни суперѕвезди ќе допатуваат во битолската сала на дуел со Е. Пелистер, а меѓу нив ќе биде и до неодамна најдобриот меѓу најдобрите - Микел Хансен. 

Данскиот ас од почетокот на февруари привремено ја прекина кариерата и остана да ја лекува состојбата на стрес. Ако сѐ биде како што треба, ќе се врати во јули“, објави тогаш менаџерот на Алборг. 

Подготовките на Алборг почнуваат во четврток, а во строј ќе биде и Микел Хансен. Тоа денеска го потврдија од менаџментот на Алборг за данските медиуми. 
Микел Хансен повторно е физички и ментално фит да го работи тоа што најдобро го знае, пишуваат Данците, а овој пат во Алборг, поддршката ќе му биде далеку поголема затоа што дојдоа Никлас Ландин и Симон Халд. 

Е. Пелистер со Алборг ќе се сретне во второто коло, но како гостин. Во Битола ќе се игра на 28 февруари.