Португалската екипа Бенфика, конечно, го претстави македонскиот репрезентативец Филип Талески за нивно ново засилување за следната сезона. 
Филип Талески (27) стана интернационалец во 2017 кога го напушти матичниот клуб Металург и во следните три сезони играше за РНЛ и Балинген. 
Потоа се врати во Македонија и стана дел од Вардар, со кого освои една шампионска титула, а летово оди повторно во меѓународни води.

Бенфика е екипа која пред две сезони ја освои Европската лига, а откако сезонава не успеа да го повтори успехот, а во шампионатот на Португалија заврши на третото место, сега прави проприлично голем ремонт кој почна со смена на тренерот Чема Родригез на чие место дојде долгогодишниот асистент на Раул Гонзалез - Хота Гонзалез. Тој во еден момент беше и на клупата на репрезентацијата на Македонија, па добро знае за Талески и неговите можности и капацитети. 

Бенфика досега ги претстави Јоав Лумбросо, Мике Јенсен, Кристофер Хедберг, Стивен Валенсија и тренерот Хота Гонзалез.