Ракометната федерација на Исланд, аплицираше заедно со Данска и Норвешка за добивање на организација нза машко Светско сениорско првенство. Овие три федерации ги таргетираат првенствата во 2029 и 2031 што сѐ уште немаат домаќини. 
На Исланд во 1995 за прв и засега последен пат се одржа Светско ракометно првенство. 

Првото засилување за Вецлар каде помошник тренер е Филип Миркуловски, а играч е Филип Кузмановски е данскиот пивот Расмус Ејлерсен. Тој доаѓа од екипата на Фредериција. 
Лошата вест за Вецлар е што десниот бек Јовица Николиќ од Србија нема да биде фит за настап до крајот на годината. 

Актуелниот селектор на Португалија, Пауло Переира доби продолжување на договорот до 2025. Актуелни беа шпекулациите дека Переира нема да добие продолжување на договорот и дека Португалија е спремна за нов селектор. 

Бјарки Мар Елисон, исландското крило кое дојде во Веспрем на местото на Дејан Манасков, мораше на операција на коленото. Елисон во строј би требало да се врати на почетокот на октомври. 

Во претстојната сезона видео проверка ќе биде задолжителна на сите натпревари во Бундеслигата. Судиите ќе можат да побараат анализа и помош во ноесењето на одлука за мноштво ситуации, особено доколку има конфлика на терен, обид за симулација и слично. 

Некогаш силната унгарска екипа Сиофок (Пенезиќ, Хмирова, Дамњановиќ) не доби лиценца за настап за претстојната сезона во најсилната лига на Унгарија. Причината за ваквата одлука е дека клубот има неподмирени сметки за електрична енергија кон јавното претрпијатие.