Кои играчи се најдобрите млади играчи во светот?

Светското јуниорско првенство во машка конкуренција (У21) е зад нас, следни се натпреварувањата во женска и кадетска конкуренција во кои и Македонија ќе има свои репрезентации. 

Мундијалот е завршен со триумф на Германија и уште еден доказ дека тие се локомотивата во овој спорт, почнувајќи од распродадената арена за финалето, до постигнатите резултати. 

И овој мундијал, вади на површина ракометари кои за не многу долго време ќе бидат ѕвезди на светскиот ракомет. Некои повеќе - некои помалку.
Таква е играта, ќе направиме мала паралела. На пример во 2011 кога Германија за прв пат беше шампион, исто како и сега најдобриот голман беше Германец - Нилс Дресусе. Тој сега брани во 4. Лига во Германија, за разлика од ол стар бекот Кристијан Дизингер кој стана европски шампион со Вардар или Данецот Мадс Менса Ларсен кој изгради најголема кариера од таа генерација.

За нај најинтересна паралела би била таа од 2017 кога играше и Македонија на СП. Од таа генерација на пример Франција ги „извади“ Дика Мем, Мелвин Ричардсон, Омерик Мин, Јанис Лене, Адама Кеита и Драган Пешмалбек за кои сигурно сте слушнале. Тие не успеаја да се пласираат во финалето. Таму играше и победи Шпанија со ракометари како Кастро, Де ла Пења, Алонсо Фернандез... не веруваме дека ви се познати. Од друга страна Алеиш Гомез и Даниел Душебаев сигурно ги знаете. 

Македонија на овој план е одлична, од таа генерација во сениорскиот тим сега ги имаме Талески, Кузмановски, Томовски, Велковски, Јагуриновски, Џонов, Танкоски, потоа Лазаревски, Димитриоски, Шилегов, Палевски... речиси сите играчи кои го освоија шестото место на СП и немаа проблем со повреди, останаа и играат важни улоги. Сега е ред на нашите кадети кои наскоро, во август ќе ги видиме на големата сцена. 

ИХФ одбра ол стар тим од кои речиси сме сигурни дека уште многу ќе слушнеме за Скипаготу, Кос и Илиќ. Ќе слушнеме и за Реинарс Ушчинс, Вест ав Тејгум, Каспер Палмар, Андре Соуса, Бошко Станисављевиќ или пак Митја Јанц, Томас Арнолдсен, Жоао Гомеш... Ќе слушаме и за браќата Кошта кои иако имаа право, не играа на овој мундијал.

ОЛ СТАР ТИМ НА СП У21

Голмани: David Späth (Germany)
Десно крило: Kristófer Máni Jónasson (Iceland)
Десен бек: Zoran Ilic (Hungary)
Среден бек: Elias Ellefsen Á Skipagotu (Faroe Islands)
Лев бек: Miloš Kos (Serbia)
Лево крило: Pedro Oliveira (Portugal)
Пивот: Justus Fischer (Germany)

МВП: Nils Lichtlein (Germany)

Најдобар стрелец: Elias Ellefsen Á Skipagotu (Faroe Islands) / Naoki Fujisaka (Japan) – 55 goals

Поврзани вести

Ви се допаѓа текстот?
Кликнете Like на нашата FB страница и станете дел од g-sport.mk