Бундеслугашот Фуксе Берлин е годинешниот освојува на Европската лига, второ по ранг натпреварување во Европа. 
Во финалето на Ф4 турнирот што се одржа во Флензбург, екипата на Фуксе Берлин ја совлада шпанската сензација Гранољерс (36-31) и по трет пат го подигна шампионскиот пехар во ова натпреварување. Берлин има и три загубени финалиња во Европската лига. 

Гранољерс, екипата која губеше со девет гола разлика во Скандерборг кога го почна големиот поход во кој покрај Скандерборг настрада и домаќинот на Ф4 турнирот - Флензбург, а потоа и Гепинген, денеска немаше шанса против расположениот Ласе Андерсон и екс двоецот на Вардар, Дејан Милосављев и Мијајло Марсениќ. 

Третото место го зазема екипата на Гепинген по победата над Монпеље од 33-29  во мечот за утешна награда.