Дуелот меѓу Војводина и Партизан, прва од финалната плејоф серија беше одбележана со инциденти, тепачка на теренот, провокации и сешто друго на теренот.
По мечот со соопштение излезе Партизан, пракса што на Балканот е да (не) речеме секојдневие. Партизан во соопштението се жали за неспортски амбиент и исто такво однесување на гостинските навивачи.
Ова е од наш агол парадоксално, да (не) речеме лицемерно, со оглед на нашите, македонските искуства со навивачите на Партизан. 
Настрана тоа, интересен момент потенцира управата на црно-белите. Не ги апострофираат само навивачите на Војводина, туку и членовите на управата и тренерот. Посебно издвојуваме дека ако тренерот на Војводина, Борис Ројевиќ некогаш повторно стане селектор во која било категорија, ракометарите на Партизан нема да настапуваат за избраната селекција.