Динамо Букурешт има петгодишен план и буџет за да ја оствари целта, а тоа е пласман на Ф4 на Лигата на шампионите. Планот го спроведува екс Барса, Хавиер Пасквал, а по неколкуте падни-стани, сега се чини фати добар ритам. 

Динамо е веќе шампион на Романија, а практично се прошета низ домашното првенство, со што ги оствари целите на клубот, а во ЛШ беше елиминиран од Кил. 

Играчките промени допрва доаѓаат, а прв кој заминува од клубот е искусниот играч Валентин Гјонеа. Ова 39 годишно крило веќе има договор со Стеауа пишуваат романските медиуми. 

Динамо нема само да троши пари, туку од некои и ќе заработи. Таков пример е египетскиот ас Али Зеин кој дојде од Барса. Зеин си ја заврши работата во Романија, а сега оди на позајмица во родниот Египет, каде ќе настапи на најважните меѓународни натпревари во дресот на Ал Ахли предводен од Давид Дејвис.