Големото дерби за титула, дуелот меѓу Е. Пелистер и Вардар ќе се игра денеска од 19:00 часот во салата „Боро Чурлевски“ во Битола. 

Дуелот меѓу двата најдобри македонски тима сезонава ќе биде директно пренесуван на МТВ - 3. Почетокот е закажан за 19:00 часот. 

Натпреварот можете да го гледате и со клик на следниот линк: Е. ПЕЛИСТЕР  - ВАРДАР 1961

На првата средба, одиграна во Скопје убедливо славеше Вардар, со седум гола разлика победи скопскиот тим. На средбата имаше инциденти на трибините и теренот, за што битолчани велат дека потоа се одразила на нивната игра и дека по инцидентот биле друга екипа. Во меѓувреме и навивачката група Чкембари се скара со клупската управа, па Е. Пелистер одеднаш остана и без навивачи и практично без шанса да стигне до шампионскиот пехар. 

Но, Вардар се чини почна прерано да слави и го потцени третиот (по)голем играч во домашното првенство - дебитантот Алкалоид. Младиот проект покажа заби и му го нанесе на Вардар првиот пораз сезонава, а со тоа и на Е. Пелистер му ги врати шансите и со обична минимална победа да стане првак. 
Сега дојде редот битолчани да си ја одработат задачата. Или пак, Вардар да ја потврди својата доминација и среде Битола. 

Ова ќе биде едно од ретките дерби средби во Македонија на кое салата ќе биде полна, но нема да има навивачки групи.