Еурофарм Пелистер за пласман на својот прв СЕХА фајналфор денеска ќе брано осум гола предност на натпреварот со Татран Прешов што ќе се игра во Словачка. 
Осум гола предност (37-29) во секоја друга ситуација би биле недостижна предност, имајќки ги сезонските одмерувања на силите на овие два тима, од струшкиот турнир наваму, но денешната ситуација е поинаква. 

Битолчани во четврток гостуваат на Алкалоид во „Автокоманда“, а ова гостување стана жешко, откако момците на Кирил Лазаров ја кренаа формата и откако загубија во Битола во февруари, досега запишаа осум победи (вклучително двете од Куп на Македонија), а меѓу поразените во „Автокоманда“ се запиша и неприкосновениот фаворит - Вардар. 

Најмногу од тие причини, битолчани во Прешов нема да играат со најсилниот тим, туку со комбиниран состав, слично како што и Татран играше во Битола. 
Всушност и не толку слично затоа што Татран во Битола дојде без Рабек и Урбан, а Пелистер во Прешов оди без девет играчи. 
Во битолскиот тим нема да бидат Урбан Лесјак, Жарко Пешевски, Денис Васиљев, Усама Хосни, Мохамед Суси, Себастијан Хенеберг, Каспер Кисум, Мирко Радовиќ и Гоце Ојлески. 

Само двајца странци, Дарко Стевановиќ и Вилсон Дејвис ќе бидат во тимот, а шанса да играат ваков условно кажано важен натпревар ќе добијат воглвно македонски играчи како браќата Атанасијевиќ, Танкоски, Велковски, Кизиќ, Кукоски, Кузманоски, Костески итн. 

Почетокот на натпреварот е закажан за 16:00 часот, а директен ТВ пренос ќе има на МТВ - 3.
Патем оваа средба директно ќе се пренесува и на РТВС Спорт Словачка и на Спорт ТВ2 Словенија, што значително ја зголемува публиката што ќе го гледа македонскиот тим на терен.