Македонската женска репрезентација денеска го имаше првиот собир со што почна финалната фаза од подготовките за дуелите со Украина од баражот за Светското првенство. 

Македонија и Украина ќе играат два меча, а победникот од вкупниот дуел ќе се пласира на следното Светко првенство што заеднички го организираат Шведска, Данска и Норвешка, во декември годинава. 

На првата прозивка, селектрот оптимистички зборуваше за шансите на Македонија да се најде на светската смотра. 

„Украина е фаворит во овој двомеч, но ние не смееме да се жалиме. Украина е ривал по мерка за враќање на репрезентацијата на Светските првенства. Иако има квалитетни ракометарки, не е репрезентација која во моментов се наоѓа во самиот европски и светски крем. Се надевам дека со помош на македонската публика ќе славиме на првиот меч во Скопје и дека тоа ќе ни даде ветер во грб и за реваншот. Верувам дека Македонија по долга пауза може да се врати и на Светските првенства“, изјави селекторот на македонската репрезентација, Љубомир Савевски.