По вчерашниот драматичен меч во Нант и исто така драматичен меч во Кил каде што победниците беа одлучени на седмерци, односно со гол во последната секунда (без оглед што Кил беше веќе квалификуван), денеска на програма се уште две средби.

Од 18:45 во Веспрем арена ќе играат Веспрем и ПИК Сегед. Големото унгарско дерби на првото одмерување заврши со фијаско на шампионот Сегед, денеска ќе треба да се измолат за прошка кај своите фанови за минатонеделните гревови.
Од 20:45 следи вистинско ракометно дерби на кое ќе играат двата најдобри дански тима. ГОГ на својот терен ќе брка минус два гола. Противник, Алборг, најскапиот дански состав во кој ќе го нема Микел Хансен затоа што тој психолошки заздравува од стресот што го собрал низ годините. 

Двата натпревари ќе можете да ги гледате на каналот ТВ Арена Спорт 2 Премиум.