Бундеслигашот Вецлар, единствениот тим во најсилната лига во која има Македонци, денеска успеа како гостин да го совлада тимот на Штутгарт (30-28) и сега има четири бода повеќе и два меча повеќе од Минден кој е во зоната за испаѓање. Доколку во следното коло го совлада на домашен терен, токму тимот на Минден, ќе биде многу блиску до исполнување на целта, а тоа е неочекувано, опстанок во најсилната конкуренција. 

Вецлар немаше победа на осумте последни натпревари, последен пат се радуваше во ноември минатата година и стигна до непријатната позиција да биде во опасната зона и да стравува за опстанокот.

Филип Миркуловски кој е асистент на првиот тренер во меѓувреме доби помош, Хрвоје Хорват стана прв тренер, а во екипата пристигна и македонскиот репрезентативец Филип Кузмановски. 

Филип Кузмановски денеска постигна два гола и тоа по ред и тоа во важни моменти, голови за 24-19 и 25-20, во периодот кога домашниот тим правеше обид за резултатски да се доближи и од минус седум стигна со минус четири. 
Во 58 минута, македонскиот репрезентативец мораше да го напушти теренот, поради три исклучувања.