Навивачите на ПИК Сегед ги тераа ракометарите да ги соблечат дресовите по првиот натпревар од елиминациите во Лигата на шампионите и историското фијаско против Веспрем (23-36).
Гледачите бараа ракометарите да ги соблечат дресовите затоа што не заслужуваат да ги носат. Со таква игра се посрамотија себе, ја изневерија публиката и градот. 

Без разлика дали ќе си одите на крајот на сезоната или не, дали вака сакате да останете запаметени во клубот? прашаа навивачите во отворено соопштение. 

Ако уште еднаш со ваков пристап истрчате на терен, до крајот на сезоната ќе се играте пред празни трибини, порачаа разочараните фанови на унгарскиот шампион.