Кој е кралот на стрелците на Светските првенства?

Секој мундијал со себе носи низа статистички моменти, на крајот на денот, една од најважните категории е кој ќе биде најдобриот стрелец.
Во оваа категорија, кралот на кралевите доаѓа од Македонија.

Кирил Лазаров е најдобриот срелец во историјата на Светските првенства. Со 92 постигнати гола на мундијалот во Хрватска во 2009 година македонската гол машина веќе 13 години и шест мундијали подоцна е несоборлив на тронот.
Во меѓувреме уште еднаш се закити со титулата најдобар стрелец, во Франција 2017 година и стана дел од едно мало пробрано друштво во кое се наоѓаат уште легендарниот корејски бомбардер Кјун Шин Јон и Микел Хансен.
Кореецот трипати бил најдобар стрелец на СП, Лазаров и Микел Хансен, по двапати.

Четири различни кубански ракометари станале најдобри стрелци на СП. Од нив двајца, Јулијан Дуранона и Роландо Уриос играјќи за Куба, а двајца, Карлос Реиналдо Перез и Франкис Марзо играјќи за Унгарија, односно за Катар.

Сеедно, тоа сепак ја става Куба на листата пред Данска која има три најдобри стрелци. Микел Хансен, Андерс Егерт и дамнешната од 1958 година титула на Могенс Олсен.
Четири различни најдобри стрелци има и Германија од кои двајца се од пред втората светска војна и тоа со по само шест постигнати голови и двајца од Западна Германија во педестите односно шеесетите години од минатиот век.
Романија исто така може да се пофали со четири различни стрелци број еден меѓу кои се и легендите Василе Стигна и Штефан Бирталан.

Откако Франкис Марзо го напушти кампот на Катар, Микел Хансен остана единствениот најдобар стрелец што е активен и ќе игра на претстоното СП.

Кирил Лазаров, пак, е единствениот најдобар стрелец што на претстојното СП ќе води репрезентација од улога на селектор.

Година	Играч - Земја	Голови
1938	Ингве Ламберг (Шве) Ханс Вернер (Гер) Ханс Телиг (Гер)	6
1954	Ото Мајчрак (З. Гер)	16
1958	Могенс Олсен	46
1961	Петре Иванеску (Ром) Зденек Рада (Чехосл.)	24
1964	Ханс Мозер (Ром)	33
1967	Херберт Липкин (З. Гер)	38
1970	Владимир Максимов (СССР)	31
1974	Штефан Бирталан (Ром)	43
1978	Јержи Клемпел (Пол) Петер Ковач (Унг)	47
1982	Василе Стинга (Ром)	65
1986	Канг Је Вон (Кор)	67
1990	Роберто Дуранона (Куб) Александар Тучкин (СССР)	55
1993	Марк Баумгартнер (Шва) Јозеф Елеш (Унг) Кјун Шин Јон (Кор)	41
1995	Кјун Шин Јон (Кор)	86
1997	Кјун Шин Јон (Кор)	62
1999	Роландо Уриос (Куб)	57
2001	Едуард Кокшаров (Рус)	61
2003	Карлос Перез (Унг)	64
2005	Висем Хмам (Тун)	81
2007	Гудјон Валур Сигурдсон (Исл)	66
2009	Кирил Лазаров (МКД)	92
2011	Микел Хансен (Дан)	68
2013	Андерс Егерт (Дан)	62
2015	Драган Гајиќ (Сло)	71
2017	Кирил Лазаров (МКД)	50
2019	Микел Хансен (Дан)	72
2021	Франкис Карол (Кат)	58