Македонија ги доби противниците за следниот мундијал. Немаме причини за задоволство. Играме со вајлд карта тим од четвртиот шешир, а тоа е Холандија, потоа со Аргентина тим од перјаницата на Јужна Америка и со фаворитот Норвешка. 
Ќе се обидеме да ви ги приближиме во прв момент противниците, за да биде појасна сликата со кого ќе си имаме работа на СП. 



Аргентина учствуваше на последните три Олимписки игри, на Светските првенства ова ќе и биде 14 учество по ред, од 1997 наваму е редовен дел од мундијалите. Резултатите, најдобар пласман - 11 место, на последното СП во Египет.
Во групата ги совлада Бахреин и Конго, а загуби од Данска. Потоа ги совлада Јапонија и Хрватска, а за пласман во елиминациите, малерозно по многу драма, загуби од Катар, минимално 25-26. 
Дали беше ова врвот или почеток, ќе видиме во Краков. 
На Пан Американските игри има пет финалиња од кои победи на две, а во новоформираната Јужноамериканска федерација, победи во 2020, во 2021 беше втора, зад Бразил. 

Ако не знаевте: Аргентина беше единствената репрезентација што ја победи Хрватска на чело со Лино Червар, Ивано Балиќ, Петар Метличиќ, Мирза Џомба итн. на Светското првенство во 2003 година кога Хрватите сензационално станаа светски прваци. Во првото коло, предводена од тогашната легенда Ерик Гул, Аргентина ги совлада Хрватите со 30-29. 

Ако не знаевте: На последното СП од дресот на Аргентина се збогуваа нивни две легенди. Гонзало Кару, пикер што играше во Адемар и Себастијан Симонет, најстариот од тројцата браќа. Двајцата се во новиот стручен штаб на тимот. 

Ако не знаевте: Прекарот на ракометарите на Аргентина е „гладијатори“