Денеска продолжуваат натпреварите на Европското првенство во Унгарија и Словачка. Шампионатот благодарение на системот на играње 6х4 остана без домаќините, па веќе нема да има ни по 20.000 гледачи во салата, туку ќе остане само бескрајното тестирање, ковид позитивни-негативни, додека се доигра, потоа..,



Без македонската репрезентација, без фаланга, без домаќини, веруваме и без многу публика, продолжуваат борбите на европскиот шампионат. Сите па и ЕХФ ја плаќаат сметката за овој бесмислен систем од кој корист имаат само 4-5 силни репрезентации. 
Денеска, сеедно, ќе има што да се види. Шампионатот допрва почнува, ако може така да се каже со оглед на тоа дека повеќе од пола германска репрезентација е во карантин, дека Хрватите секојдневно повикуваат по неколку играчи, а прашање е кого се ќе потрефи Ковид до крајот на шампионатот и како ќе изгледаат финалните состави. 

Омилена репрезентација и по стилот и прикажаното ни стана тимот на Холандија. Тие денеска ќе имаат и тоа како тежок противник, да ја повторат играта против Франција. 
Олимпискиот првак, иако без неколку важни играчи (Ремили, Пранди, Лука Карабатиќ), покажува завидна сила и сега го гледаме како единствен тим што може и застане на патот на Данска. 

Погледнете кој со коги игра денеска и уживајте во првиот ден ов Главната рунда на ЕП. 

ГРУПА 1
15:30  Црна Гора - Хрватска
18:00  Франција - Холандија
20:30  Данска - Исланд

ГРУПА 2
15:30  Русија - Шведска
18:00  Германија - Шпанија
20:30  Полска - Норвешка