СП: Ковид ја коси Австрија, Бразил лесно со Хрватска...


Два дена откако беше детектиран вирусот кај селекторот на Австрија, нови случаи во австрискиот тим. Четири ракометарки на Австрија денеска беа позитивни на Ковид 19 и со само 12 играчи истрчаа на терен против Кина и немаа проблеми за да победат и тоа со 11 гола разлика. 
Но, ИХФ стравува дека и други австриски ракометарки би можеле да бидат позитивни. 



Кралиците на шокот, останаа без својата магија на стартот на СП. Бразил без поголеми тешкотии за совлада Хрватска 30-25 (18-12). Во текот на мечот Бразил на моменти имаше и по девет гола разлика, а во Хрватскиот тим освен Мицијевиќ и Блажевиќ немаше расположени играчи. Дали е готова хрватската еуфорија откако не им беа исплатени ветените 150.000 евра за претходното првенство или ќе успеат да се кренат ќе покажат следните денови. 

Германија си играше со Чешка, а Јужна Кореја со Конго. Германките со пола сила ја совладаа Чешка со 10 гола разлика, а Кореја со 14 гола славеше над Конго. 

Резултати од прво коло:
Австрија - Кина  38-27 (22-13)
Бразил - Хрватска   30-25 (18-12)
Германија - Чешка  31-21 (17-10)
Ј. Кореја - Конго   37-23 (22-11)
Ви се допаѓа текстот?
Кликнете Like на нашата FB страница и станете дел од g-sport.mk