Maгдебург во финале на Супер глоуб

Македонската судиска двојка Ѓорѓи Начевски и Славе Николов ја судеа полуфиналната средба од Супер глоуб меѓу Магдебург и Алборг.



Магдебург е во финалето на Супер Глоуб откако попладнево го совлада тимот на Алборг (32-30) на натпревар што го судеше македонската двојка Начевски - Николов.
Германците тргнаа фуриозно, поведоа со 9-4, но потоа застанаа, влегоа во данската воденица и набрзо Алборг беше тимот што диктираше резултат и водство.
Клучни на мечот беа последните пет минути во кои Магдебург успеа да го преземе водството (26-25), а потоа при резултат 29-28, Алборг промаши три напади по ред. Примија два гола Данците беше 31-28, но имаше и само минута и пол до крајот на мечот. 

Магдебург во финалето ќе игра со подобриот од дуелот Пињеирос - Барса, а ќе си земеме слобода да кажеме дека тоа ќе биде шпанскиот состав. 
Поразените ќе играат за утешна награда што се пишува со пет нули, за трето место. 




 

Поврзани вести

Ви се допаѓа текстот?
Кликнете Like на нашата FB страница и станете дел од g-sport.mk