Швајцарија дојде во Скопје со преголема доза на самодоверба. Одиграа добар меч, имаа и добри моменти и тактички и технички, но и грешки и пропусти што на крајот ги чинеа минимален пораз и елиминација од трката за ЕП. 
Најголемата грешка ја направија пред да почне мечот.



Понесени од добрата партија против Данска што исто така ја загубија, веројатно и со перформансот на СП Египет каде дојдоа како втора резерва, Швајцарците најголемата грешка ја направија кога изјавуваа дека Македонија не е врвна репрезентација и дека тие можат да ја победат во Скопје. 

Тоа веројатно беше „х“ факторот на овој натпревар. Ги испровоцираа македонските играчи додаоа натпреварувачки мотив плус што реално во нашиот тим можеби и ќе го немаше, доколку со своите изјави го минимизираа значењето на натпреварот за нашите играчи.
По средбата, нивниот селектор, Михаел Сутер звучеше поинаку.

„Ова е топ-спорт. Можеш да ги почувствуваш најголемите височини (како СП Египет) и најголемите длабочини. Загубивме два натпревара со по еден гол, и покрај борбеноста и добрата игра. Два меча на кои пруживме се. 
Македонија е силна репрезентација против која е екстремно тешко да се игра надвор од дома. Многу нации веќе го имаат почувствувано тоа. Ние бевме силни, пруживме максиумум и се боревме до крајот...“изјави Михаел Сутер по натпреварот со македонскиот тим. 

На Швајцарија вчера ќе и беше доволен и бод од Скопје за да се пласира на ЕП, со оглед на другите резултати. Вака, благодарение на победата на Македонија, на ЕП ќе игра Украина.