Нема шега со законите во Норвешка

Уште еден голем удар за норвешкиот ракомет во Ковид сезоната. 



Следниот пат кога ќе помислите дека Ковид мерките во Макеоднија се строги и штетни за спортот особено во делот на играње без публика, имајте го на ум следново. 

- Норвешка се откажа од огранизација на женското сениорско Европско првенство поради мерките на државата за справување со Ковид. 
- Неколку норвешки екипи се откажаа од играње во европските купови и беа службено елиминирани поради мерките. 
- Шампионот на Норвешка, Елверум, размислува за повлекување од Лигата на шампионите затоа што не може да избегне карантин доколку игра. 
- Денеска, Норвешка ја загуби и организацијата на квалификацискиот турнир за Олимписките игри во Токио. Норвешка во Трондхајм требаше да биде домаќин на Бразил, Чиле и Јужна Кореја, но ИХФ ги информираше дека бара нов организатор на турнирот поради строгите мерки во Норвешка. 

Реакцијата на норвешката федерација е „фуриозна“:
- Штета што олимписките квалификации не можеме да ги организираме на домашен терен. Но, нормално, имаме целосно разбирање за ситуацијата каква што е во моментов. Сега сме во исчекување на одлука на ИХФ за тоа каде ќе се игра турнирот. Норвешката ракометна федерација ќе направи што е во нејзина моќ за да помогне да се организира турнирот без оглед на тоа кој ќе ја има одговорноста да биде организатор“, изјави генералниот секретар на норвешката ракометна федерација Ерик Лангеруд. 
 

Поврзани вести

Ви се допаѓа текстот?
Кликнете Like на нашата FB страница и станете дел од g-sport.mk