ГЛЕДАЈТЕ ДЕНЕСКА: Митревски против моќниот ПСЖ

Откако завршија натпреварите во Европската лига, денеска и утре на ред се мечевите од Лигата на шампионите. 




Никола Митревски денеска пред себе ќе ги има Микел Хансен, Елохим Пранди, Недим Ремили и Даинис Криштопанс. Шутери од светска класа и ќе мора одново да ја докажува сопствената. 
„Имаат одлични голмани, Квината и Митревски. Македонецот на мечот со Сегед имаше интервенција што го обиколи светот“, објави ПСЖ на својот сајт во најавата за нивното вечерашно гостување во „Драгао“. 

Денеска во Данска ќе гостува и Веспрем кој исто така има македонски интернационалец во своите редови. Осамен ќе биде Манасков, затоа што Мануел Штрелек не е во составот. Недостасуваат и други звучни имиња вклучилно со двајца екс вардарци - Македа и Шишкарев, но има премногу ѕвезди во екипата Давид Дејвис за овие отсуства да се почувствуваат. 


ДЕНЕСКА ОД 18:45
АЛБОРГ - ВЕСПРЕМ
Нема најавени отсуство од екипата на Алборг. 
За екипата на Веспрем денеска нема да играат Хорхе Македа, Мануел Штрлек, Родриго Коралес, Данил Шишкарев, Кентан Мае и Блаж Благотиншек. 

ФЛЕНЗБУРГ - МЕШКОВ БРЕСТ
Флензбург денеска ќе настапи без повредените Хампус Ване, Ласе Мелер и Јоханес Гоља. 
Во составот на Мешков Брест не се пријавени Симон Разгор и Сандро Обрановиќ

ПОРТО - ПСЖ
ПСЖ долго време ќе биде без Никола Карабатиќ. Не се објавени составите, но нема најави за отсуства во двата тима. 

ДЕНЕСКА ОД 20:45

ППД ЗАГРЕБ - МОТОР
Нема отсуство во тимот на ППД Загреб. Загреб овој меч го игра во Сутинска Врела, затоа што „Арена“ е претворена во Ковид центар. 
Стефан Вујовиќ е повреден и нема да настапи за Мотор. 

Поврзани вести

Ви се допаѓа текстот?
Кликнете Like на нашата FB страница и станете дел од g-sport.mk