Швајцарија треба да патува во Данска во вторник, но може и да не замине доколку не најдат заеднички јазик со Данците.



Најголемиот ривал на Македонија во групата, за пласман на ЕП 2022, Швајцарија води интересен спор со Данска и можеби и да не патува на мечот што треба да се игра во Архус на 4 ноември. 
Проблемот е во тестирањето за влез во Данска. Имено, тие признаваат само ПЦР тестови, но Енди Шмит, Лукас Местер (Минден) и Лени Рубин (Вецлар) и утре имаат обврски со клубовите. Потоа треба да стигнат во Швајцарија, да се тестираат и да добијат резултати пред заминувањето во вторник, со чартер лет. 

Швајцарците сметаат дека тоа е неизводливо, дека нема време за ПЦР тестови и на ЕХФ и на Данска Федерација им испратија известување дека или ќе им бидат признаени брзите тестови (добиени од ЕХФ) и ќе патуваат сите интрнационалци или воопшто нема ни да патуваат за Данска. 



Проблемот сигурно е решлив, но читајќи ги швајцарските медиуми како постојано споменуваат и потенцираат дека влегуваат во минус затоа што не можат да продадат билети за мечот со Македонија и дека многу поскапо ги чини чартер до Данска итн. Добиваме впечаток дека Швајцарија сака да се одложат овие средби, првенствено за да не потроши повеќе пари отколку што треба. 
Оттука и можеби ќе останат на ставот доколку не се признаат брзите тестови на германските интернационалци, да не го играат мечот со Данска...