Металург и Спачва своите дуели од првото квалификациско коло во ЛЕ, ќе ги играат дома-гости



Металург им понуди на своите ривали од ЛЕ, Спачва Винковци, двата дуела од првото квалификациско коло од ЛЕ да ги играат во Скопје. Амбициите, реалниот квалитет, фактот што ќе се игра без публика беа адутите на Металург за ибегнување на патување во Винковачко Село, но противникот не го прифати предлогот. 
За Спачва ова е деби во Европа, историски меч, веројатно си имаат и своја финансиска математика без оглед на празните трибините, па така Спачва ќе го види Скопје, но и Металург ќе го види Винковци, односно Винковачко Село. 

Откако тоа беше разјаснето, Металург го одреди терминот за првиот меч. „Автокоманда“ по подолга пауза ќе види европски натпревар, средбата е закажана на 30 август во 19:00 часот.