Вардар е (речиси) сигурен патник на Ф4

НЕКСЕ - ВАРДАР  30-31 (15-15)
Пешиќ 7, Кевиќ 5 - Дибиров 12, Скубе 6, Горбок 4, Шишкарев 4, Толедо 2, Калараш 2, Стоилов 1

Вардар е (речиси) сигурен патник на Ф4 на СЕХА, откако вечерва го совлада Нексе како гостин во Нашице, минимално, 31-30 извојувана многу тешко и со ризик да заврши мечот без победник.
Ситуацијата во Вардар е позната, но без разлика, очекувавме повеќе од Вардар. Но, Нексе беше одлично подготвен, посебно тактички и ги наоѓаше сите дупки и пукнатини, посебно на линијата и постојано го контролираше резултатот. 

Да беа пофокусирани во одбрана домашните и да не направија неколку неизнудени исклучувања во првиот дел, ќе му беше многи потешко на Врадар вечерва. 

Сеедно, Нексе водеше во неколку наврати и со три гола, но на одмор се замина без победник 15-15. 

Во вториот дел Вардар играше подобро, во 33 минута успеа и да поведе, но кратко траеше тоа. Нексе одново имаше контрола, а потоа Дибиров влезе во гол форма, Горбок погоди кога требаше и Вардар во 53 минута по втор пат поведе. 
Имаше и плус два и шанса за плус три, но обидот да се игра атрактивно на крајот заврши со шанса Нексе да израмни. 

Реваншот се игра следната недела во Скопје. 
Ви се допаѓа текстот?
Кликнете Like на нашата FB страница и станете дел од g-sport.mk