Веселин Вујовиќ склопува сосема нов ППД Загреб кој следната сезона во ЛШ треба да заработува бодови и евра, затоа што се менува системот на играње, а и на заработување од ЛШ. 

По Владо Матановиќ, Милош Божовиќ, Никол Граховац, Сењамин Буриќ и Жига Млакар, во Загреб треба да пристигне и капитенот на репрезентацијата на Србија, голманот на Металопластика, Тодор Јандриќ. 

Српскиот весник „Журнал“ објави дека начелно се договорени сите детали и дека прашање на време е кога трансферот ќе биде официјализиран. 

Јандриќ имаше одлична сезона во СЕХА и по повредата на Милосављев требаше да „блесне“ и на ЕП. Но, повредата на скочниот зглоб на само неколку дена од почетокот на ЕП го спречи да учествува на континенталниот шампионат.