Нишки Железничар не е македонски клуб. Но, покрај нивната ланска епизода во СЕХА, врската со нам добро познатите Јошко Петковиќ и Веселин Вујовиќ, ехем, за волја на сите онакви душички и Левче Китевски и Иван Шмигиќ, Жељо некако и наш стана. 

Се растури таа приказна на најлошиот начин. Вујо место реклама стана анти-реклама, загубија на сите фронтови, се распаднаа. Но, не ги снема. 

Вест што не разгали е дека Жељо, пак, нешто се обидува да направи, а и дека има нов генерален секретар. Душан Јоциќ, човек за кој грев ќе те фати ако кажеш нешто лошо. Јоциќ е спортски новинар што никогаш не се сокрил кога сме го барале. Трошел време и ресурси и без оправдување бил.. еве сум. Ова го потенцираме од агол на 20 годишно искуство и безбројни новинарски средби.

Јоциќ верува дека е дојден до момент да се качи на таа другата скала. Вели дека има енергија, идеја и му треба малку поддршка. Ниш може да одбере, дали дака да биде приказна или „приказна“. Сега треба да му се даде шанса тоа што го знае да го претвори во пракса.