Српскиот дефанзивен играч, Илија Абутовиќ (30) го продолжи договорот со германската екипа Рајн Некар Ловен. Абутовиќ со новиот договор се обврза да го носи жолтиот дрес до 2023 година. 

Абутовиќ е откритие на Веселин Вујовиќ. Тој го донесе во Вардар во 2011 од редовите на Слован и му ја даде шансата што му беше потребна. 
Со текот на годините, Абутовиќ се претвори во еден од најдобрите дефанзивци и минатата година стигна понудата од Манхајм. 

По една година мината во РНЛ, Германците му понудија продолжување на договорот и тој останува таму до 2023 година.