Скаутингот и менаџеирањето на играчи не е некоја силна страна на ракометот како спорт, па согласно тоа и младинските ракометни првенства, за разлика од кошаркарските не привлекуваат многу скаути, менаџери и генерално нема некоја голема битка за потписите на новите ѕвезди. 

А на младинските првенства се изнагледавме квалитетен ракомет и квалитетни играчи. Посебно овде го подвлекуваме ЕХЕ ЕУРО во Словенија каде што блеснаа неколку екипи и на сцената видовме играчи кои можат да бидат интересни и за екипите од Лигата на шампионите. А патем и да се направи и некој добар бизнис од типот „Јагањац“ кој лани во Металург дојде за 40,000 евра, а цената сега му е 4 пати повисока. А такви на овој шампионат имаше повеќе. 

Португалија има двајца ракометари во идеалниот состав. Тоа се Луис Фраде, пикер што можеме отворено да му го препорачаме на Вардар на пример кој покрај Стоилов и Мораеш, решил да бара и трета опција (засега). Луис Фраде игра за екипата на Акваш Санташ, а тоа е клуб од каде што може да се купува. 
Малку потешко би одел шопинг за МВП на првенството, Диого Силва. Тој е десен бек и по дифолт тоа му ја крева цената. Игра за екипата на Аванка и тоа како позајмен играч од Порто. Не се сомневаме дека по настапот на ЕП, Порто ќе сака да го врати назад. Порто има уште една голема ѕвезда од ЕП, а тоа е левиот/централен бек Андре Гомеш. 

Очекувавме Домен Макуц да биде првата словенечка ѕвезда, но ќе почекаме. Неговото време допрва доаѓа, сепак, тој е играч од 2000 годиште. А и веќе Целје го има неговиот потпис, па не е интересен на пазарот. Но, Грега Оцвирк - е. 
Тој како и неговите претходници (Млакар, Кодрин, Кастелиќ) се селеше на релација Целје - Марибор - Целје. Најдобар стрелец е на турнирот, а Целје трие раце затоа што пред ЕП од Извиѓач до доведоа и Јосип Шарац од Хрватска, на истата позиција. Задоволно трие раце и германскиот второлигаш Емстетен. Тие го имаат под свое Марк Ферјан, голманот херој на Словенија. 

За Лино Червар можете да мислите и кажете што сакате, но една работа мора да му се признае. Размислува неколку потези напред, па така во ППД Загреб веќе си ги донесе Вистороп, Лучин, Бахтијаревиќ и Векиќ. Со Јагањац во Металург, Шарац во Целје и Мартиновиќ во Фајверс, речиси целата хрватска репрезентација е (от)купена. 

Гранољерс испрати пет играчи на ЕХФ Еуро, а двајца од нив ни оставија силен впечток. Тоа се централните бекови Пол Валеро Ровира и Јан Тарафета Серано. Нивните физички предиспозиции не се импозантни, но техниката и луцидноста, се. Сиудад Енкантада може да очекува понуди за голманот Рамирез Сантана. 

Во продолжение погледнете како изгледаа ол стар тимовите на ЕХФ ЕУРО и ЕХФ Шампионатите одржани во Македонија и Црна Гора. 


All Star Team - Slovenija
Goalkeeper: Robin PAULSEN HAUG (NOR)
Left Wing: Dylan NAHI  (FRA)
Left Back: Grega OCVIRK  (SLO)
Centre Back: Kyllian VILLEMINOT  (FRA)
Pivot: Luis FRADE (POR)
Right Back: Diogo SILVA POR)
Right WinG: Domen NOVAK (SLO)
Defender: Joshua THIELE (GER)
MVP: Diogo SILVA (POR)
Top Scorer: Grega OCVIRK (POR) - 57 goals
All Star Team – Macedonia
Goalkeeper: Hordyr Trygvasson (FAR)
Left wing: Deividas Jovaisas (LTU)
Left back: Mario Tankoski (MKD)
Centre back: Yulyan Hiryk (BLR)
Right back: Mikalai Aliokhin (BLR)
Right wing: Nicolo D’Antino (ITA)
Line player: Ivan Burzak (UKR)
Best defense player: Philip Novak (SUI)
MVP: Artur Rudz (BLR)
Top Scorer: Karolis Antanavicius (LTU) – 53 goals


All Star Team - Montenegro
Best Goalkeeper: Yannik PELZ (AUT)
Best Left Wing: Ondrej SKALICKY (CZE)
Best Left Back: Doruk BEHLIVAN (TUR)
Best Playmaker: Vasilije KALUDJEROVIC (MNE)
Best Pivot: Tim CLAESSENS (NED)
Best Right Back: Drenit TAHIRUKAJ (KOS)
Best Right Wing: Roman DODICA (MDA)
Top-Scorer: Roman DODICA (MDA)
Best Defensive Player: Jiri DOKOUPIL (CZE)
MVP: Ivar STAVAST (NED)