Кадетите последни, селекторот лут

Кадетската репрезентација на Македонија како последна заврши на турнирот Трофеј Карпати што се одржа во Клуж. 
По поразите од Романија и Италија, утрово кадетите загубија и од Холандија. Одново, убедливо, 24:34 е конечниот резултат, по што Македонија го заврши настапот.

„Големиот број на ситни повреди не попречија да ги покажеме нашите реални квалитети и можности. Им благодарам на сите играчи што и покрај повредите стискаа забаи и играа. Покажаа карактер што мора да се цени. 
Овој турнир го замислував како тест пред Европското првенство и немав многу можности за корекции меѓу натпреварите. Малку сум и лут на одредени играчи кои дојдоа со зголемена килажа и послаба физичка подготвеност. Тоа е разбирливо за крајот на сезоната, но не е и за играч што има статус репрезентативец и знае дека го очекуваат натпревари на ЕП“, изјави селекторот Данило Брестовац. 


„Заедничките подготовки продолжуваат на 4 јули, но нема да бидат прекинати. Секој играч ќе добие план за работа, изработен врз база на тестовите што беа направени во Скопје“вели селекторот на кадетската репрезентација. 

 
Ви се допаѓа текстот?
Кликнете Like на нашата FB страница и станете дел од g-sport.mk