Сезоната заврши за српскиот ракометар Лука Митровиќ (30) во моментот кога се обиде на натпреварот со Вардар да истрча полуконтра. 

Ракометарот на словенечкиот Целје, без дуел, незгодно стапна и веднаш побара лекарска интервенција. Беше изнесен од теренот, а лекарските прегледи констатираа скинати вкрстени лигаменти на десното колено. 

Оваа повреда бара хируршка интервенција за санација и паузата вообичаено е шест месеци. 

Целје останува без еден од играчите на кои многу сметаше сезонава и останува да видиме дали ќе се обидат да ангажираат замена или ќе продолжат со истите сили.