ЦЕЛЈЕ - ВАРДАР 28:31 (13:16)
Стрелци за Вардар: Недановски 1, Криштопанс 2, Карачиќ 3, Абутовиќ 1, Кањељас 1, Циндриќ 4, Чупиќ 3, Дибиров 6, Шишкарев 6, Борозан 2, Марсениќ 2


Вардар ја продолжи победничката серија во СЕХА Гаспром лигата откако на уште еден дуел со екипа од Лигата на шампионите славеше победа. 
Вардар беше гостин на незгодниот Целје Пивоварна Лашко, а во Словенија отпатува без Стоилов, Македа, Мораеш, а Штербик беше на клупа во првите 45 минути. 

Убав натпревар одиграа двата тима, а европскиот првак мораше да ги вади сите оружја за да стигне до бодовите. Предводени од Жига Млакар, стрелецот на првите четири гола заз Целје, Словенците диктираа резултат до 15 минута, а по тоа со два брзи гола на Дибиров, Вардар поведе со 10:8. По тоа предноста ја зголеми на плус три на полувреме, а во 35 минута веќе имаше водство од 20:15. 

Целје не се предаде, туку напротив, на десетина минути до крајот стигна на минус еден 23:24 и имаше напад за реми. Раул Гонзалез мораше во игра да го внесе и Арпад Штербик и тоа се покажа, како и секогаш, дека е добар потег. Целје промаши два пенала, а Вардар поведе со 26:23. 

Уште едно, последно „ура“ имаа домашните кога намалија на 25:27, но Вардар беше фокусиран, пресече еден напад па Дибиров го врати на плус три и таа разлика се одржуваше до крајот.



                             ТАБЕЛА СЕХА ГАСПРОМ

1.	Вардар	6	6	0	0	157 : 116	18
2.	Mешков Брест	6	4	0	2	175 : 155	12
3.	Tатран Прешов	6	4	0	2	173 : 156	12
4.	ППД Загреб	6	3	1	2	164 : 154	10
5.	Целје Пив Лашко	6	3	1	2	137 : 127	10
6.	Горење Велење	5	2	1	2	128 : 129	7
7.	Meталург	6	2	0	4	146 : 156	6
8.	Нексе	6	1	1	4	144 : 170	4
9.	Војводина	5	1	0	4	121 : 146	3
10.	Динамо (П)	6	1	0	5	149 : 185	3