Продолжува составувањето на екипата што следната сезона ќе ја претставува Македонија во Лигата на шампионите. Еурофарм Пелистер носи во својот тим уште еден дански интернационалец. 
По Каспер Кисум и Кристијан Хенеберг дресот на Е. Пелистер ќе го облече и 25 годишниот пикер Андреас Јохан Нилсен. 

Овој 198 сантиметри висок играч е ракометар на Морс-Ту. Игра во два правца, типично за скандинавските линиски играчи и добро се движи и снаоѓа особено во напаѓачката формација. 
Е. Пелистер со него на надиполнува пикерската позиција, Жарко Пешевски и Денис Васиљев остануваат во екипата и следната сезона. Екипата на Морс-Ту сезонава заврши на 11 место од 14 екипи, но во плејаут за опстанок го освои првото место и обезбеди опстанок. 

Нилсен е второто ново име во Е. Пелистер за следната сезона, претходно потпиша и словенечкиот десен бек Нејц Цехте. Но, капиталните засилувања на бековската линија, допрва чекаме да ги обелодени клубот. Но, според утрото, ќе имаме квалитетен претставник во Лигата на шампионите.